Explanations in Malagasy | Fampandroana an' i Dady. Dady dia isan' ny razamben' ny andriana sakalava, rahefa natokana
ho zanahary hotompoina sy hiankohofana izy, sady efa vita moharay tamin' ny nifim-boay
ny nifiny sy ny hohony, ets., ary tsy natao izany raha tsy efa amin' ny andron' ny
zafikeliny izay manjaka. Izany no nanaovana azy hoe "Dady":
Idadabe, satria raiben' ny zafiny manjaka amin' izay fotoana izay izy. Tsy maintsy
nanokanana andro firavoravoana lehibe indray mandeha araka izay fe-taona na fe-potoana
voatendry i Dady, hanompoana sy hanandratana azy ary hiankohofana aminy.
Izany no atao hoe "fitampoha". Vahoaka tsieranaina no antsoina amin' izany rahefa
hampandro an' i Dady. Milahatra manao tsy omby aloha amin' ny arabe dia miala satroka
daholo rahefa mandalo izy. [1.10]
|